Home » Pakistani Headlines » بلین ٹری پراجیکٹ: نیب نے تحقیقات کیلئے کمیٹی قائم کر دی

بلین ٹری پراجیکٹ: نیب نے تحقیقات کیلئے کمیٹی قائم کر دی

پشاور (پاکستان) نیب خیبرپختونخوا نے بلین ٹری سونامی پراجیکٹ میں مبینہ بے قاعدگیوں کے الزامات کی تحقیقات کیلئے کمیٹی قائم کر دی، چار رکنی کمیٹی محکمہ جنگلات سے میگا پراجیکٹ کا تمام ریکارڈ حاصل کرے گی۔
تفصیلات کے مطابق، نیب خیبرپختونخوا کی جانب سے بلین ٹری سونامی پراجیکٹ میں مبینہ کرپشن اور بے قاعدگیوں کے الزامات کی تحقیقات کیلئے چار رکنی کمیٹی قائم کردی۔ کمیٹی میں لیگل کنسلٹنٹ اور دو تفتیشی افسر شامل ہوں گے۔ چار رکنی کمیٹی محکمہ جنگلات سے بلین ٹری سونامی پراجیکٹ کا تمام ریکارڈ حاصل کرے گی۔
گریڈ 19 کے افسر کی سربراہی میں قائم کمیٹی نے سابق چیف سیکرٹری اور دو ایڈیشنل چیف سیکرٹریز کے خلاف تحقیقات کیلئے مشاورت شروع کر دی ہے۔ خیبرپختونخوا حکومت کی جانب سے صوبے میں ایک ارب سے زائد پودے لگانے کادعویٰ کیا جا رہا ہے۔ تمام اپوزیشن جماعتوں اور مختلف حلقوں کی جانب سے اس میگا پراجیکٹ میں کرپشن اور بے قاعدگیوں کے الزامات عائد کئے گئے تھے جس پر چیئرمین نیب جاوید اقبال نے ان الزامات کی تحقیقات کا حکم دیا تھا۔

 

#paksa

#paksa.co.za

Check Also

اسلام آباد – پاک بھارت کشیدگی کی وجہ سے ایمریٹس ایر لائنز نے پاکستان کے اپنی تمام پروازیں منسوخ کردیں

Emirates cancels Pakistan, Afghanistan flights DUBAI (Reuters) – Dubai’s Emirates airline has canceled all Pakistan …