Home » Pakistani Headlines » #paksa #paksa.co.za ”خادم رضوی گروپ نے پاک فوج کے بارے میں کچھ کہا، ہمارا ان سے کوئی تعلق نہیں ہے کیونکہ ۔۔۔ “ تحریک لبیک یارسول اللہ کے سربراہ ڈاکٹر اشرف آصف جلالی نے پیغام جاری کردیا

#paksa #paksa.co.za ”خادم رضوی گروپ نے پاک فوج کے بارے میں کچھ کہا، ہمارا ان سے کوئی تعلق نہیں ہے کیونکہ ۔۔۔ “ تحریک لبیک یارسول اللہ کے سربراہ ڈاکٹر اشرف آصف جلالی نے پیغام جاری کردیا

لاہور (پاکستان) تحریک لبیک یارسول اللہ کے سربراہ ڈاکٹر اشرف آصف جلالی نے تحریک لبیک پاکستان اور علامہ خادم حسین رضوی کے ساتھ اظہار لاتعلقی کردیا۔ انہوں نے واضح کیا ہے کہ آج کے احتجاج کی کال ان کے گروپ کی جانب سے نہیں دی گئی اور نہ ہی ان کا جلاﺅ گھیراﺅ سے کوئی تعلق ہے۔

اپنے ویڈیو پیغام میں ڈاکٹر اشرف آصف جلالی نے کہا کہ تحریک لبیک پاکستان کا اپنا طریقہ کار ہے اور ہمارا اپنا طریقہ کار ہے۔ لیاقت باغ کی جو کال دی گئی ہے وہ تحریک لبیک پاکستان کی طرف سے دی گئی ہے اور تحریک لبیک یا رسول اللہ اور تحریک لبیک اسلام کا اس سے کوئی تعلق نہیں ہے۔

ڈاکٹر اشرف آصف جلالی نے کہا کہ لیاقت باغ کے جلسے کی کال اس گروپ کی ہے جس گروپ کے بارے میں میڈیا پر بتایا جارہا ہے کہ انہوں نے پاک فوج کے بارے میں یہ کہا۔ جلاﺅ گھیراﺅ کے الزامات بھی ان پر لگائے گئے۔ ہمارا نہ توڑ پھوڑ اور جلاﺅ گھیراﺅ سے کوئی تعلق ہے اور نہ ہی حالیہ کال کے ساتھ کوئی تعلق ہے۔

خیال رہے کہ تحریک لبیک پاکستان کی جانب سے آج (25 نومبر کو ) راولپنڈی کے لیاقت باغ میں جلسے کی کال دی گئی تھی۔ جس کے بعد حکومت نے جماعت کی مرکزی قیادت اور کارکنوں پر کریک ڈاﺅن کیا جس میں مرکزی قیادت سمیت سینکڑوں کارکنوں کو گرفتار کرلیا گیا۔یہاں یہ وضاحت بھی ضروری ہے کہ تحریک لبیک اس وقت تین دھڑوں میں تقسیم ہے ۔ سب سے بڑے دھڑے کی قیادت علامہ خادم حسین رضوی کر رہے ہیں جو اس وقت کوٹ لکھپت جیل میں نظر بند ہیں۔ تحریک لبیک یارسول اللہ اور تحریک لبیک اسلام مل کر کام کر رہے ہیں اور ان کے روح رواں ڈاکٹر اشرف آصف جلالی ہیں۔

 

Check Also

اسلام آباد – پاک بھارت کشیدگی کی وجہ سے ایمریٹس ایر لائنز نے پاکستان کے اپنی تمام پروازیں منسوخ کردیں

Emirates cancels Pakistan, Afghanistan flights DUBAI (Reuters) – Dubai’s Emirates airline has canceled all Pakistan …