Home » Pakistani Headlines » #paksa #paksa.co.za نواز شریف اور مریم نواز کو حاضری سے ایک روز کا استثنیٰ مل گیا

#paksa #paksa.co.za نواز شریف اور مریم نواز کو حاضری سے ایک روز کا استثنیٰ مل گیا

اسلام آباد(پاکستان)سابق وزیراعظم نواز شریف اور ان کی صاحبزادی مریم نواز کو نیب ریفرنسزمیں حاضری سے ایک روز کا استثنیٰ مل گیا۔

تفصیلات کے مطابق احتساب عدالت کے جج محمدبشیر نے شریف خاندان کیخلاف ایون فیلڈ ریفرنس کی سماعت کی،مریم نواز کے وکیل امجد پرویز نے نوازشریف اور مریم نواز کی نیب ریفرنسز میں حاضری سے 7 روز کیلئے استثنیٰ کی درخواست دائرکی،درخواست کیساتھ بیگم کلثوم نوازکی پرانی میڈیکل رپورٹ عدالت میں پیش کی گئی ،وکیل امجد پرویز نے کہا کہ نئی رپورٹ کل تک آجائےگی،عدالت میں جمع کرادیں گے۔

انہوں نے کہا کہ نوازشریف کی اہلیہ بیمار ہیں وہ تیمارداری کےلئے لندن میں ہیں،مشکل کی اس گھڑی میں نوازشریف اپنی اہلیہ کے پاس لندن میں ہیں ،مریم نوازبھی والدہ کی تیمارداری کےلئے لندن میں ان کے پاس ہیں،عدالت سے استدعا ہے کہ مریم نوازاورنوازشریف کو7دن حاضری سے استثنیٰ دیا جائے۔

عدالت نے وکلا کے دلائل سننے کے بعدنوازشریف اورمریم نوازکوحاضری سے ایک دن کااستثنیٰ دے دیا۔

Check Also

اسلام آباد – پاک بھارت کشیدگی کی وجہ سے ایمریٹس ایر لائنز نے پاکستان کے اپنی تمام پروازیں منسوخ کردیں

Emirates cancels Pakistan, Afghanistan flights DUBAI (Reuters) – Dubai’s Emirates airline has canceled all Pakistan …