Home » Pakistani Headlines » پاناما میں شامل 436 پاکستانیوں کیخلاف کارروائی کی درخواست کی سماعت غیر معینہ مدت کیلئے ملتوی

پاناما میں شامل 436 پاکستانیوں کیخلاف کارروائی کی درخواست کی سماعت غیر معینہ مدت کیلئے ملتوی

اسلام آباد(پاکستان)سپریم کورٹ میں پاناما لیکس میں شامل تمام پاکستانیوں کیخلاف کارروائی کی درخواست کی سماعت غیر معینہ مدت کیلئے ملتوی کر دی گئی،تفصیلات کے مطابق سپریم کورٹ میں پاناما لیکس میں شامل 436 افراد کیخلاف کارروائی کیلئے امیر جماعت اسلامی سراج الحق اور طارق اسد ایڈووکیٹ کی درخواستوں کی سماعت ہوئی،مقدمات کی سماعت جسٹس اعجاز افضل اورجسٹس مقبول باقر پر مشتمل بنچ نے کی ،درخواست گزار طارق اسد ایڈووکیٹ نے موقف اختیار کیا ہے کہ پاناما میں شامل دیگر افراد کا بھی احتساب کیا جائے،میرامقدمہ کرپشن اورمنی لانڈرنگ سے متعلق ہے۔
اس پر جسٹس اعجاز افضل نے ریمارکس دیتے ہوئے کہا کہ آپ کاموقف ہے جس کانام پانامامیں آیااس کیخلاف کارروائی ہو؟،انہوں نے استفسار کیا کہ آمدن سے زائداثاثوں کاتعین کس نے کرنا ہے؟ ۔

درخواست گزار نے کہا کہ درخواست میں وفاق اور نیب کوبھی فریق بنایاہے،عدالت سے استدعا ہے کہ درخواست پرنیب اورفیڈریشن سے جواب طلب کی جائے اورمعاملے کی تحقیقات کیلئے اعلیٰ سطح کمیشن بنایاجائے۔
جسٹس اعجاز افضل یہ کام نیب کاہے،ہم تعین نہیں کرسکتے، درخواست کادائرہ بہت وسیع ہے،کارروائی کاکس کوکہیں؟،جسٹس اعجاز افضل نے استفسار کیا کہ آپ کی درخواست پرکس سے جواب طلب کریں؟۔
عدالت نے دونوں درخواستیں یکجا کرتے ہوئے وفاقی حکومت اور نیب کو نوٹس جاری کر دیئے اور سماعت غیرمعینہ مدت تک ملتوی کردی۔

 

#paksa

#paksa.co.za

Check Also

اسلام آباد – پاک بھارت کشیدگی کی وجہ سے ایمریٹس ایر لائنز نے پاکستان کے اپنی تمام پروازیں منسوخ کردیں

Emirates cancels Pakistan, Afghanistan flights DUBAI (Reuters) – Dubai’s Emirates airline has canceled all Pakistan …